Арыста сары фосфорлы контейнерлер өртеніп, мыңдаған тұрғын эвакуацияланды

Түркістан облысында "Арыс" теміржол станциясында сары фосфорлы контейнер өртенді. Бұл туралы облыстық төтенше жағдайлар департаментінің баспасөз қызметі хабарлады.

- 6 тамызда сағат 16.25-те Арыс қаласы, "Арыс" т/ж станциясы, жүк пойызы (деректер нақтылануда) №54755392 металл контейнерде (сары фосфор) жанған, - делінген жұмада таратылған ақпаратта.

"Қазақстан темір жолы" АҚ қызметкерлерінің күшімен вагон поездан ағытылып, жою тұйығына қойылды.

Оқиға басқа пойыздардың қозғалысына әсер еткен жоқ, деп атап өтті ТЖД.

Оқиға орнында өрт сөндіру штабы ұйымдастырылды. Өртті сөндіруге 26 құтқарушы, "Қазақстан темір жолы" АҚ-ның 12 қызметкері, санэпидбақылау басқармасының әскери қызметкерлері мен қызметкерлері, сондай-ақ 10 бірлік техника мен өрт пойызы жұмылдырылды.

Облыс әкімдігінде хабарлағандай, оқиға салдарынан тұрғындарды эвакуациялауға тура келді.

- Оқиға орнында жедел штаб құрылды, жергілікті атқарушы органдар Арыс қаласының Наурыз шағын ауданының тұрғындарын (халқы 4000-ға жуық) және Хлопком кентін (халқы 6000-ға жуық) эвакуациялау туралы шешім қабылдады, Арыс қаласында 8 мың орынға арналған төрт эвакуациялық пункт ұйымдастырылды, - делінген хабарламада.

Сонымен қатар, ведомствоның баспасөз қызметі "эвакуацияланғандардың саны нақтылануда" деп атап өтті, өйткені тұрғындардың көпшілігі туыстарына кетті.

Облыстық ТЖ департаментінде жедел штаб құрылып,"жедел желі" ұйымдастырылды.