Семей өрт сөндірушілер жеті баланы жалын құшағынан алып шықты

13.30 шамасында Физкультурная көшесіндегі көпқабатты тұрғын үйлердің бірінде өрт шықты. Тілсіз жау туралы бізге тоғыз қабатты үй тұрғындары хабарлады.

- Оқиға орнына жеткен өрт сөндірушілер жетінші қабаттағы балконды толықтай жанып, жалын сегізінші қабатқа кетіп бара жатқанын көрген, - деп хабарлады ШҚО ТЖД баспасөз қызметі. - Өрт сөндіру кезінде жалын құрсауында қалған 29 адам құтқарылды, оның жетеуі – балалар.

Құтқарушылар тұрғындардың өміріне ешқандай қауіп жоқ екенін және тілсіз жау бір сағат ішінде ауыздықталғанын мәлімдеді.