Өскеменде пәтерде өрт шықты

Үшінші қабаттағы пәтерде өрт шыққаны туралы хабар 22.00-де түскен. Құтқарушылар оқиға орнына дереу жетті.

- Өрт күшті болғаны соншалық көрші үйдің пластик терезесіне, үшінші және төртінші қабаттар арасындағы кондиционерге де тиген. Үй балконының пластикалық көмкермесіне де жайылған, - дейді Өскемен қалалық ТЖБ баспасөз қызметі.

48 жастағы үй иесін көрші подъезде тұратын жас жігіт құтқарған. Өрт сөндірушілер 17 адамды эвакуациялады, тағы бесеуін құтқарды

- Жалпы 30 өрт сөндіруші, 9 автоцистерна тартылды, - деп мәлімдеді мекеме. – Өрт 22.58-де ауыздықталды, толығымен 23.47-де жойылды. Жалпы алаңы 35 шаршы метр.

Өрттің шығуына абайсыздық пен өрт қауіпсіздік ережелерін сақтамау себеп болуы мүмкін.