ШҚО-да мас күйінде көлік айдаған бес жүргізуші ұсталды

ТЖ режімі кезінде тәртіп сақшылары алкогольге мас күйінде түнгі уақытта көлік тізгіндеген бес жүргізушіні анықтады.

Полиция қызметкерлер әр заңбұзушыға қатысты әкімшілік хаттама толтырды.

- Осы азаматтарға қатысты іс ҚР ӘҚК 608-бабы, 476-бабы бойынша сотқа жіберілді, - деп мәлімдеді Шемонаиха аудандық ПБ басшысының бірінші орынбасары Орал Рыспаев. – Сот заң бұзғандарды қамауға алу туралы әкімшілік жаза тағайындады.

Естеріңізге сала кетейік, 11 қаңтардан бастап ішімдік ішіп көлік тізгіндегендерді 7 жылға көлік жүргізу куәлігінен айыру жазасы қарастырылады.