Оқиғалар Алматы облысында ЖКО салдарынан оннан аса адам зардап шекті
Облыстық полиция департаментінің хабарлауынша, Алматы облысында автобустардың соқтығысуы салдарынан 12 адам ауруханаға жатқызылды
Өткен жексенбіде Алматы - Бішкек тас жолының 23-ші шақырымында қалааралық автобус және бағыттық шағын автобус соқтығысып қалған.
- Орын алған жол-көлік апаты салдарынан шағын автобус жолаушылары зардап шеккен. Ал үлкен автобустағылар аман-сау. Қаскелең ауруханасына 12 адам жеткізілді, олардың біреуі жан сақтау бөлімінде, - деп хабарлады полицияда.
ЖКО фактісі негізінде ҚР ҚК-ның 345-бабы бойынша сотқа дейінгі тергеу жұмыстары басталды.
