Алматыдағы тәуліктік супермаркетте өрт шықты

Бұл туралы қалалық ТЖ департаментінің ресми өкілі Сандуғаш Баймухамбетова хабарлады.

Оның сөзіне сүйенсек, 6.56-да "101" нөміріне өрттің шығуы туралы хабар түскен.

- Өрт сөндірушілер 7 минут ішінде оқиға орнына жеткен. Екі бутик жанып, өрт "Магнумның" кіре берісіне беттеген. Ғимараттың оң қабырғасы өртке оранған. Құтқарушылар тілсіз жаудың өзге бутиктерге жетуін уақтылы тоқтатты, - деді ол.

Өрт 7.29-да ауыздықталды да, 7.38-де толықтай жойылды. Өртенген алаң ауданы 70 шаршы метр. Зардап шеккендер жоқ.

Тілсіз жаумен күрес жұмыстарына Алматы өрт сөндіру бөлімінің жеке құрамының 56 маманы мен 8 бірлік техника жұмылдырылды.