Оқиғалар Атырау облысында ауаға зиянды заттар тараған
ҚР Энергетика министрлігі «Теңіз» кен орнында болған апат жайында түсініктеме берді
Энергетика министрлігі Атырау облысында болған ауаға таралған зиянды газ жөнінде түсініктеме берді.
Атырау облысы бойынша Экология департаментінің ақпаратына сәйкес, Жылыой ауданының прокуратурасынан 2017 жылдың мамыр айының 30 күні сағат 10:00 шамасында Теңіз вахташылар кентіндегі «Теңізшевройл» ЖШС-не қарасты бірінші буынды зауытының қондырғысынан зиянды шығарындылар ауаға рұқсатсыз жіберіліп, жұмысшылар өндіріс аймағынан қауіпсіздік жерге көшіріліп, уақытша жұмыс тоқтатылғаны туралы ақпарат келіп түсті.
Осыған орай Департамент тарапынан тексеру жұмыстары ұйымдастырылды (ҚР Кәсіпкерлік кодексінің талаптарына сәйкес, тексеріс құқықтық статистика және арнайы есепке алу органдарында тіркелуі қажет), тексеріс нәтижелері туралы қосымша хабарланады.
Следующая →