ҚР ІІМ көшеде «жарылғыш шамдар» бар деген ақпаратты жоққа шығарды

Әлеуметтік желіде таралған көшеде қолшам іспеттес жарылғыш заттың шашылып жатқандығы туралы ақпарат шындыққа жанаспайды

Бұл туралы ҚР ІІМ Мемлекеттік тіл және ақпарат департаментінің директоры Алмас Садубаев Facebook әлеуметтік желісінде мәлімдеді:

- Әлеуметтік желіде көшелерде қолшам іспетті жарылғыш заттардың шашылып жатқандығы туралы ақпарат тараған. Алайда ІІМ бұл ақпаратты жоққа шығарады. Біздің елде мұндай фактілер тіркелмеген, бұл арандатушылық. Арандатушылар міндетті түрде анықталып, жауапқа тартылады. Азаматтарды үрей тудырмай, қарапайым сақтық шараларын сақтауға, көшеде және қоғамдық орында күдік тудыратын адамдар немесе заттар байқаса, полиция қызметіне хабарлауға шақырамыз.

Тақырыптар: Лжетерроризм в Казахстане Борьба с терроризмом в Казахстане Министерство внутренних дел РК