Мәскеуде электр пойызы мен жолаушылар пойызы бір-біріне соғысып қалды

РЖД ААҚ интернет сайты хабарлағандай, 8 сәуірде 22:16 сағат шамасында Мәскеу темір жолындағы Фили – Кунцево-1 Белорусь бағытындағы темір жол өткелінде Мәскеуден Усовоға қарай бағыт алған №6919 пойыз жүргізушісі темір жолды кесіп өтпек болған жүргіншіні қағып кетпеу үшін шұғыл тежегісті іске қосқан. Нәтижесінде электр пойызының тежегіс жүйесі бұзылып, пойыз өзінен-өзі артқа қарай қозғала бастаған. Тежегіші істен шыққан электр пойызы Фили – Кунцево аралық өткелінде тұрған №3 Мәскеу-Брест бағытындағы жолаушылар пойызына барып соғылған.

Соқтығысқан екі пойыз да темір жол рельсінен шығып кеткен. Оқиға болған темір жол аймағында барлық темір жол қозғалысы тоқтатылды.
Алдын ала жарияланған деректерге сүйенсек, 50 адам медициналық көмекке жүгінген.

"РЖД" ААҚ президенті Олег Белозеровтың басшылығымен жедел штаб құрылды.

Кейін компанияның баспасөз қызметі хабарлағандай, сағат 01:40 шамасында жолаушылар құрамы локомативтен ажыратылып алынған резервтағы локомативтің көмегімен Белорусь вокзалына әкелінген.

Оқиға орнына екі пойыз келіп, басты темір жол аймақтарын бүлінген вагондардан босатқан. Ал №3 жолаушылар пойызына РЖД АҚҚ бөлген медицина бригадасы аттандырылды.