Оқиғалар Қарағандыда ер адам танысының көзін тіркеуге алмағаны үшін шығарды
Өзінің танысын соққыға жығып, көзін шығарып тастағаны үшін жалпы режимді колонияда 3,5 жыл жазасын өтейтін болады
Үш рет сотты болған ер адам өзінің танысымен кездесіп, бірге ішімдік ішу барысында одан уақытша тіркеуге тұрғызуын сұрайды. Алайда баспана иесі бұл ұсыныстан бас тартады. Ашуға берілген ер адам танысын соққыға жығып, артынша саусағымен көзін шығарып тастайды. Зардап шегушінің әйелі екі ер адамды ажыратпақ болып, өзі де таяқ астына алынады. Нәтижесінде ер адамның бас миы шайқалып, қабырғалары сынып, көзі шығарылған.
Сот залында ер адам өз кінәсін мойындады және ҚР Қылмыстық кодексінің 106-бабына сәйкес, «адам денсаулығына қасақана зақым келтіру» бойынша кінәлі танылды. Сот оны 3 жыл 6 айға бас бостандығынан айыру шешімін шығарды.
Сот үкімі әзірге заңды күшіне енген жоқ.
