Мұнай базасының бас инженері күйіктен көз жұмды

Осымен бесінші күн дәрігерлер тағы екі мұнай базасының қызметкерлерінің өмірімен күресуде. Олар әлі де жан сақтау бөлімінде ауыр халде жатыр. Оларды облыстық аурухана орталығына ауыстыру әзірге мүмкін емес.

Меркі ауданында болған мұнай базасындағы өрт өткен бейсенбі күні орын алды. Бензинді құю кезінде 60 тонналы темір жол цистернасы жарылып, екі резервуар жанып кетті. Сонымен бірге 200 шаршы метрде орналасқан қойманы өрт жаулап алды. Оқиға орнынан бірнеше шақырым жердегі адамдар түтін мен күйіктің иісі сезілгендерін айтады. Полиция қызметкерлері қауіпсіздік техникасының бұзылуы бабы бойынша іс қозғады.