Компания жаңалықтары Тәуелсіздік күні қарсаңында 40 отбасы қоныс тойын тойлады
Қазақстан Республикасы Премьер-Министрінің бірінші орынбасары Әлихан Смайылов пен Шығыс Қазақстан облысының әкімі Даниал Ахметов жаңа Қарағайлы ықшамауданындағы пәтерлердің кілттерін тапсырды
Бүгін Қазақстан Республикасының Тәуелсіздік күні қарсаңында жаңа "Қарағайлы" шағын ауданында 40 жаңа пәтер пайдалануға берілді.
Сіздерді айтулы оқиғамен – меншікті тұрғын үй алумен шын жүректен құттықтаймын. Жаңа үйде сіздерге жылы және бейбіт өмір, қуаныш тілеймін.
ШҚО-да тұрғын үй құрылысына ерекше көңіл бөлінеді.
Ағымдағы жылы облыста 112 көппәтерлі үйдің құрылысы жүргізілді - бұл сегіз мыңнан астам пәтер. Оның ішінде 1493 пәтерге 25 үй тапсырылды.
Жыл қорытындысы бойынша кезекте тұрғандар мен Тұрғын үй құрылыс жинақ банкінің салымшылары қатарынан 2665 адам жаңа пәтерлерді иеленеді.
"7-20-25", "Бақытты отбасы" мемлекеттік тұрғын үй бағдарламалары іске асырылуда, олардың шеңберінде мүмкіндігі шектеулі балаларды тәрбиелеп отырған көп балалы, толық емес отбасылар үшін жеңілдікті жағдайлар ұсынылады. Жыл басынан 440 көп балалы отбасы тұрғын үймен қамтамасыз етілді.
