Компания жаңалықтары ШҚО энергетиктері өтемдік тарифті енгізуге қарсы күресте өз дәлелдерін қорғауда
ШҚ АЭК өкілдері прокуратурамен және монополияға қарсы органдармен ұзақ мерзімге созылған даудың нүктесін ҚР Жоғарғы Соты қоюы тиіс деп есептейді
Біздің сайтымызда жарияланған «Титандар шайқасы: энергетиктер мен монополияға қарсы орган» мақаласында Шығыс Қазақстан энергетикалық компаниясы оған қолданылған 3,5 миллиард теңге сомасындағы өтемдік тарифтің заңдылығына дау туғызды деп жазған болатынбыз, деп хабарлайды Устинка LIVE тілшісі.
Материалда келтірілген ШҚО Табиғи монополияларды реттеу, бәсекелестікті қорғау және тұтынушылардың құқықтарын қорғау департаменті өкілдерінің пікірлеріне жауап ретінде энергетиктер өз көзқарасын білдірді.
- 2018 жылы "ШҚ АЭК" АҚ-ға қатысты уақытша өтемдік тариф бекітілді, – делінген жауапта. - Компания заңнамада белгіленген тәртіпте бойынша бұл бұйрыққа шағымданды. ШҚО Мамандандырылған ауданаралық экономикалық соты "ШҚ АЭК" АҚ талап-арыздарының басым бөлігін қанағаттандырды. Апелляциялық сатыдағы сот талқылауы барысында облыстық соттың азаматтық алқасы бірінші сатыдағы шешімді өзгертті. ҚР Азаматтық іс жүргізу кодексіне сәйкес сот актілеріне шағымдану құқығын пайдалана отырып, "ШҚ АЭК" АҚ ҚР Жоғарғы сотына істі кассациялық тәртіппен қайта қарау туралы өтініш берді.
Энергетиктердің ақпаратына сүйенсек, бүгінгі таңда бұл іс бойынша ҚР Жоғарғы Сотында сот талқылауы жүргізілуде.
- Сонымен қатар, ТМРКД өкілдерінің жеке сөздері бойынша тұтынушыларға жеке түсініктеме бергіміз келеді, - деп хабарлайды ШҚ АЭК баспасөз қызметі. - ШҚО Табиғи монополияларды реттеу, бәсекелестікті және тұтынушылардың құқықтарын қорғау департаменті басшысының орынбасары Людмила Устьянцеваның айтуынша, тек ШҚ АЭК қана пайдаланылмаған материалдар үшін қаражатты тарифтік сметаның орындалуы туралы есепке енгізуге тырысады. Оның сөзін мысалға келтірейік: "Онда (тарифтік сметада) шикізатқа миллиард қаражат қарастырылған, міне осы сомадан апаттық қор жасаңыз". Біздің ұстанымымыз: "ШҚ АЭК" АҚ "Шикізат пен материалдар" бабы шегінде авариялық қор сатып алды. Барлық растайтын құжаттар тарифтік сметаны орындауда қоса берілген, бірақ дәл осы факт уәкілетті орган тарапынан бұзушылық деп танылады. Сонымен бірге, электр энергетикасы саласындағы заңнаманың авариялық жағдайларды жою үшін пайдаланылатын апаттық-сақтандыру қорының болу қажеттілігі туралы талабы ескерілмейді (жылына 2000 астам авария).
Сондай-ақ, энергетиктер монополияға қарсы органдардың апаттық қорды қаржыландыру мәселелеріндегі дәлелдеріне наразы.
- Апаттық қорды қаржыландыру айналым қаражаты есебінен жүзеге асырылады, - делінген хабарламада. – "ШҚ АЭК" АҚ-ның айналым қаражаты-бұл негізгі қызмет түрінен, яғни, электр энергиясын беру бойынша қызметтерге арналған тариф есебінен алынған ақшалай қаражат.
