ҮМЗ қызметкерлері металлургтер күнін атап өтеді

Металлургия Қазақстанның ұлттық өндірісінің негізгі бағыты саналады. Елдің экономикасына үлесін тигізіп отырған кәсіпорындардың бірі бұл – Үлбі металлургиялық зауыты.

"ҮМЗ" АҚ Басқарма төрағасы Рустам Медео металлургтерді кәсіби мерекесімен құттықтады.

- Қазақстан металлургиясының флагманы болған Үлбі металлургиялық зауыты жылдан жылға дамып, бірқалыпты өсім көрсеткіштерін көрсетуде. Кәсіпорын жаңа технологияларды жасап, өндіріске енгізуге баса мән беруде. Өнім өндірісі де кеңеюде. ULBA тауар белгісі әлемде сапаның белгісі саналады, - дейді төраға.

Үлбі металлургиялық зауытының алда қойып отырған маңызды стратегиялық мақсаты бар. Ол – жылу шығару құрал-жабдықтарын жасап шығаратын зауыт салу. Мұнда жылу таблеткалары дайындалып, шетелге шығарылатын болады.

Үлбі зауыты әлемдегі берилий өндірісінің 3/1 бөлігін құрайды. Сондықтан кәсіпорын алдағы уақытта берилийден жасалатын продукция түрлерін көбейтуді ойлап отыр. Жапония елімен берилий өнімдерін сату бойынша келісімшарт жасалды.