Компания жаңалықтары 
«Эйр Астана» Пулково әуежайы атындағы сыйлыққа ие болды
Қазақстандық әуе компаниясы «ТМД елдері арасындағы жылдам дамып келе жатқан авиакомпания» ретінде танылды
«Эйр Астана» бұл сыйлықты екі жыл қатарынан алып отыр. Санкт-Петербургте 25 қаңтар күні LED Together салтанатты шарасы өтіп, бұған әуе компания, туристік бизнес және мәдени сала өкілдері жиналды.
- Пулково әуежайына келген жолаушылардың саны былтырғыға қарағанда 36 мыңға өскен. Барлығы 1330 ұшып-қону операциясы жүзеге асқан. Бұл 2016 жылмен салыстырғанда 20 пайызға артық, - дейді «Эйр Астана» АҚ Ұжымдық коммуникация департаменті.
«Эйр Астана» Санкт-Петербургтегі әуежайға Алматы мен Астанадан жолаушыларды апарады. Ал әуе хабарламасы 2010 жылы ашылған. Санкт-Петербург тұрғындары Алматы қаласы арқылы Бангкок, Дели, Дубай, Душанбе, Бішкек, Гонконг, Сеул, Тегеран, Куала-Лумпур, Пекин, Үрімші қалаларына, ал Астана қаласы арқылы Бангкок, Дели, Бішкек, Сеул, Пекин, Ташкент, Үрімші қалаларына ұшады.