Компания жаңалықтары «Казцинк» ТМД кәсіпорындары арасында үздік деп танылды
Халықаралық «Хрустальды пирамида» сыйлығын табыстау барысында қазақстандық «Казцинк» екі бірдей сыйлықтың иегері атанды.
Оның бірі – Қызметкерлерді оқыту және дамыту басқармасы «Жылдың ең үздік ұжымдық оқытуы-2017» номинациясы бойынша екінші орын болса, ал екіншісі «Казцинк» ЖШС әкімшілік сауалдар жөніндегі атқарушы директоры Андрей Лазаревтің «HR-Жыл басшысы-2017» номинациясының гран-при жүлдесі иегері атануы.
- Біздің компания қызметкерлерінің жетістікке жеткенін әрқашан қалайды. Мақсат қойып, оған жете білуге үйретеді. Қызметінің өскендігін, қосымша табыс тапқанын қалайды. Қазіргі уақытта HR-қызметіне деген сұраныстың артып келе жатқанын білеміз. Бұл қызмет компания жұмысшыларымен бірге еңбек етуге, олардың сұранысы мен талабын қамтамасыз етуге мүмкіндік береді, - дейді Андрей Лазарев.
Казцинк баспасөз қызметінің хабарлауынша, компания өкілдері Мәскеуде өткен Ресей мен ТМД HR-Директорларының XVIII Саммитіне қатысып, бірден екі «Хрусталь пирамида» беделді сыйлығын жеңіп алды. «Казцинк» ЖШС-нің әкімшілік мәселелер жөніндегі атқарушы директоры Андрей ЛАЗАРЕВ «Жыл HR-басшысы-2017» аталымында Гран-при сыйлығын иеленді. Ал қызметкерлерді оқыту және кемелдеу басқармасы «Жыл корпоративтік оқытуы-2017» аталымында II орынға ие болды.
Сарапшылар ұйғарымы бойынша компанияда қолданылып келе жатқан жұмысшыларды оқытудың модульді-құзыреттілік әдісі тек Қазақстан ғана емес, сондай-ақ таяу шетел кәсіпорындары үшін де бірегей деп таныды. Мамандар компанияның HR саласындағы жұмысын жоғары бағалады.
20-ға тарта ТМД елдерінен беделді наградаға үміткерлер арасында «Северсталь» мен «Газпром» өнеркәсіп алыптары да болды.