Компания жаңалықтары ŠKODA Астанада өтіп жатқан ЭКСПО-2017 көрмесінде жаңа көліктерді таныстырды
Жаңа көліктердің бағасы сатылым кезінде белгілі болады. Аталған көліктер Қазақстанның 19 қаласында ұсынылады
Халықаралық ЭКСПО-2017 көрмесі аясында «АЗИЯ АВТО» зауыты чехтік ŠKODA көлік шығарушысымен бірігіп Kodiaq кроссоверінің жаңа моделін және Superb седанының үшінші буынын таныстырды. Жаңа көліктер чехтік павильонда халық назарына ұсынылды.
Аталған брендті ұнатушылар мен Астана қонақтары Қазақстанда бірінші болып ŠKODA бас дизайнері Йозеф Кабанның туындыларын тамашалай алды. Ағымдағы жылы «АЗИЯ АВТО» конвейерінде шығарылатын ŠKODA көліктері толығымен жаңартылады.
- Өткен жылы ŠKODA танымалдылығы бойынша жаңа рекорд орнатты. Бүкіл әлем бойынша 1 126 500 сатып алушылар оның табынушылары болды. Ал 2017 жылдың бірінші тоқсаны 122 жылдық тарихы бар бренд үшін ең табысты уақыт болды, - дейді «АЗИЯ АВТО» АҚ президенті Ерік Сағымбаев. - «АЗИЯ АВТО» мен ŠKODA біздің еліміздегі автокөлік өндірісінің дамуы аясында он жылдан астам уақыт бойы біріп жұмыс жасауда. 12 жыл бұрын Қазақстан конвейерінен шыққан еуропалық көліктің алғашқысы ŠKODA болған.
Жаңа көліктердің бағасы сатылым кезінде белгілі болады. Аталған көліктер Қазақстанның 19 қаласында ұсынылады.
