Өскемен мен ШҚО Кір жуғыш машина үшін тұрғындарды эвакуациялады
Оқыс жағдай бүгін таңертең Жеңіс даңғылы бойындағы тоғыз қабатты тұрғын үй пәтерінің бірінде орын алды
Таңғы сағат сегізде жетінші қабаттағы пәтердің жуынатын бөлмесінен өрт шыққан.
Өскемен қалалық ТЖБ баспасөз қызметі мәлімдегендей, жуынатын бөлмеде тұрған кір жуғыш машинаның жанғыш бөліктері өртк оранған. Түтін исі шығып жатқандықтан көпқабатты үйдің алты тұрғынын далаға шығаруға тура келді.
- Өрттің шығуына байланысты – электр құрылғысын жөндеу және пайдалану кезінде қауіпсіздік ережелерін сақтамау себебі қарастырылуда, - деп хабарлады мекеменің баспасөз қызметі.
Өткен тәулікте қаладағы А. Затаевич көшесі бойындағы жер үйде түн ортасында өрт шықты. 15 шаршы метр аумақта шатыр жанды. Бұл жағдай бойынша да немқұрайлылық себебі қарастырылуда.