/ Усть-Каменогорск и ВКО

Жаңа жылдан бастап жылу мен ыстық су бағасы өсуі мүмкін

"Өскемен жылу желілері" АҚ ШҚО монополияға қарсы мекемеге сараланған тарифті қайта қарастыруға өтінім бермек
12 қазан 2019 года, 15:44 1315 Евгения Чех
Новости Казахстана и регионов на сегодня. - Стоимость комуслуг на тепло и горячую воду могут повысить с нового года
Ақпарат көзі: © Устинка LIVE Фото: © Устинка LIVE

"Өскемен жылу желілері" АҚ мәлімдеуінше, 2019 жылы кәсіпорын үнемі тарифтік кірісті толық ала алмай келеді.

Бұл бір үйге бірақ жылу құрылғысын орнататын тұтынушылардың артуымен байланысты. Қазір 232 млн теңге жетпейді.

- Жыл соңына дейін тариф өзгеріссіз қалады, - дейді "Өскемен жылу желілері" АҚ қаржылық директоры Алла Фатеева. - Бірақ біздің стратегиялық шикізатымыздың бағасы қымбаттап келеді. Орташа тариф құны артқан сайын, сараланған тариф те өзгереді.

Естеріңізге сала кетейік, жыл басынан бері Өскемендегі құрылғы орнатып алғандар жылу мен ыстық су үшін 2,7%-ға аз төлейді. Соңғы рет орташа териф құны 2015 жылы өзгерген, ал сараланған тариф екі жыл бұрын енгізілген. Тұтынушылар, әсіресе, кәсіпорындар мен ұйымдар белсенді түрде есептегіш құралдарды орната бастаған.

- 2017 жылдан бастап құрылғыларды орнатқандар саны күрт артты, - деп түсіндіреді Алла Фатеева. - Егер қаладағы тұтынушылардың барлығы орнатып алса, біз есепті тек орташа өткізу құнымен жүргізуге мәжбүр боламыз.

Жылу мен ыстық су бағасы қалай өзгеретіні әзірге белгісіз. Бірақ бағаны 2020 жылдың 1 қаңтарынан бастап көтеруге өтінім беріліп қойды. Егер өтінім мақұлданса, халық БАҚ және ukteplo.kz ресми сайты арқылы құлақтандырылады.



Загрузка...

Тақырып бойынша жаңалықтар

Устинка Live хабарландыруларын алып тұрыңыз