Өскемен мен ШҚО ШҚО-да алты мыңға жуық жас көшет отырғызылды
Аймақты көгалдандырудың кезекті акциясы бүгін, 12 қазан, республикалық "Көшет отырғызу күні" аясында өтті
Жыл соңына дейін облысқа 150 мың жас тал егу көзделген. Оның 140 мыңы отырғызылып қойған.
Көгалдандыру жұмыстары әлі де жалғасуда. Бүгін өскемендіктер 19-шағын аудандағы Есенберлин даңғылының бойына жас талдарды отырғызды.
- Өңірде 6 мыңға жуық тал егілді, - дейді ШҚО Табиғи ресурстар мен табиғатты пайдалануды реттеу басқармасының басшысы Мұрат Құсайынов. - Өскемендегі Есенберлин даңғылы бойына 1100 көшет отырғызылса, оның ішінде шырша, қайың, майқарағай бар. Олар орман шаруашылықтарындағы 13 тәлімбақтан әкелінген.
Следующая →
