Базар алдындағы аллеяның ағаштары неге кесіліп жатыр?

Ал тұрғындар ағаштардың неге кесіліп жатқанын ұқпай дал.

- Аллеяның егілгеніне қаншама жылдар болды. Енді соны әп сәтте жайратып жатыр. Орнына асфальт төсемек пе? Мынандай ыстықта адам көлеңкелейтін жер керек қой, - дейді даңғылдың №10 тұрғын үйінің қоныстанушысы Светлана.

Негізінде бұл маңайдағы ағаштардың кесіле бастағанына да біраз бопты. Үйдің алдындағы талдар шауылып, орнына жас көшеттер егіледі дегенімен, сол күйі таза тақыр күйінде қалған.

Ағаштардың жаппай оталып жатқанын айтып шағымданған тұрғындар күн сайын көбеюде. Редакцияға он шақты адам хабарласып үлгерді. Алайда қала билігінен ресми жауап ала алмай отырмыз.

Ағашты кесуге не себеп болды? Жасыл желегі жойылған жерлерге не істемек? Көшет қашан егіледі? Сұрақ көп, бірақ жауап жоқ...