Өскемен мен ШҚО Ұлан ауданы көктемгі көгалдандыруды қолға алды
"Жасыл Өркен" көгалдандыру бағдарламасы аясында Ұлан ауданында 10 мың ағаш отырғызылмақ. Осы уақытқа дейін 7 мың көшет егілген
Өткен жылы дәл осы бағдарлама аясында Ұлан ауданында небары 1 мың ағаш отырғызылған екен. Биыл бұл көрсеткіш 10 мыңға жетпек.
- "Жасыл Өркен" бағдарламасы аясында Ұлан ауданында 7310 көшет отырғызылды, - деп атап өтті Ұлан аудандық ТҮКШ басшысы Р. Сергазин.
2019 жылдың 19-21 сәуірі аралығында "Жасыл Өркен" көгалдандыру бағдарламасы аясында ауданның барлық елді мекендерінде 7310 ағаш егілді. Өңірді көглдандыру үшін Асубұлақ орман шаруашылығынан 1400 қарағай, 2025 шегіршін, 1885 қайың, Өскемен қаласының орман шаруашылығынан 2000 шырша алынды. Бұл ағаштар бақтар мен парктерге, мектептер мен білім нысандарның, денсаулық сақтау мекемелерінің, әкімдіктер мен мәдениет үйлерінің алдына, көше бойларына егіледі.
