Өскемендіктер ескі белесебеттерін тапсырып жатыр

Құрылыс колледжінің студенттері қайырымдылық жасау жолында ескі белесебеттерді жинап, жөндеп, мұқтаж отбасыларға, жетім балалар мен ата-анасыз қалған балаларға таратуды қалап отыр.

- Қазір акцияға жиырма шақты ерікті қатысуда. Әзірше қолымызда белесебет жоқ, бірақ хабарласып, жөн сұрап жатқандар көп. Тіпті, бос жатқан белесебеттерді өзіміз де алып кете аламыз, - дейді құрылыс колледжінің студенттік өзін-өзі басқару президенті Владимир Столбовский.

Айта кеткен жөн, осындай қайырымды шаралардың бірі алғаш рет былтыр Қазан қаласынан бастау алған. Қазандық белсенділер алты айдың ішінде 700 белесебед бөліктерін тауып, жөндеп, 322 балаға белесебет берген.

Ал белесебет тапсырғысы келгендер Ворошилов көшесі, 79-үйге келіп жүгіне алады.

Телефоны: 8 (777) 765 27 69.