Өскемен мен ШҚО Зырянда кадет мектебі ашылуы мүмкін
Зырян қаласындағы №8 орта мектепте кадет сыныптары бар
Аталмыш мектептің кадет сыныптары үздік нәтижелер көрсетіп, кадет сыныбына деген қызығушылық артқандықтан, аудан депутаттары бұл мектептің атын өзгертіп, кадет мектебі ретінде құруды ұсынып отыр.
Ал депутаттар кадет мектебіне Қазақстан Халық Қаһарманы Сағадат Нұрмағамбетовтың есімін беруді жөн санап отыр.
- Ол – даңқты қолбасшы, елдің Қарулы Күштерінің құрылуына бастамашы болған тұлға. Мен бұл ойды толықтай қолдаймын, - деді облыс әкімі Даниал Ахметов.
Аймақ басшысы кадет мектебін жасақтауға 30 млн теңге бөлу мәселесін қарастырып көрмек.
