ШҚО Білім басқармасының жаңа басшысы тағайындалды

ШҚО әкімі баспасөз қызметінің хабарлауынша, Сайрангүл Жұмаділова бұған дейін облыстық білім басқармасы басшысының міндетін атқарған

Сайрангүл Ахметкәрімқызы 1971 жылы тамыздың 11-нде Семей облысы Ақсуат ауылында дүниеге келген. 1993 жылы Шығыс Қазақстан мемлекеттік университетін «География және биология» мамандығы бойынша тәмамдаған.

Еңбек жолын 1993 жылы Аягөз қаласы қазақ лицейінің география пәнінің мұғалімі қызметінен бастады. Кейін екі жыл бойы осы лицейде директордың оқу ісі жөніндегі орынбасары болып жұмыс істеді. 2007 жылы облыстық білім басқармасының мектепке дейінгі және жалпы орта білім беру бөлімінің бас маманы, одан кейін басшысы міндетін атқарды. 2015 жылдан бастап облыстық дене шынықтыру және спорт басқармасының ШҚО спортта дарынды балаларға арналған мектеп – интернаты директорының тәрбие ісі жөніндегі орынбасары қызметін атқарды. 2016 жылдан бастап ШҚО білім басқармасы басшысының орынбасары, ал 2018 жылдың ақпан айынан бастап аталған басқарма басшысының міндетін атқарды.