Өскемен мен ШҚО Өскемен көшелеріне бес мың мөшек құм төселді
Өскеменнің коммуналды қызмет өкілдері 9 мың текше метр суды сүзіп алып, көктайғақ болған көшелерге құм себуде
Кешеден бастап қаладағы аялдамалардың маңы қардан тазартылып, қатып қалған дөңес мұздықтар күреліп жатыр.
- Жұмысшылар қар күреп, тротуар маңын сыпырып, мұздарды ойып жатыр. Күндіз де, түнде де көшеге құм себудеміз. Ахмер, Красина, Шмелев Лог, Куленев кенті мен Согра ауданының тұрғындары бізге хабарласып, ауласына су кіріп кеткенін айтуда, - дейді "Өскемен Тәртіп" кәсіпорны баспасөз хатшысы Әсел Ахметжанова.
Баспаөз хатшының сөзіне қарағанда, қала көшелерінен 9 мыңнан аса текше метр сорып алынып, су тасыған аудандарға құм толтырылған бес мың мөшек төселген.
Айта кетейік, "Өскемен Тәртіп" кәсіпорны да мердігер компаниялармен бірігіп, суды сүзіп алу, құм себу, жол тазалау, мөшек төсеу сынды жұмыстарды жасауда. Өтінімдерді 8-777-768-37-45 телефонына хабарласып беруге болады.
