Өскемен мен ШҚО Өскеменнен шыққан автобус Ресей тас жолында апатқа ұшырады
Жол апаты бүгін, 8 қараша күні, сағат 6:45 шамасында Барнауыл қаласынан 108 шақырым жерде орын алған.
Тас жолда екі жеңіл көлік пен жолаушылар автобусы соқтығысып қалған. Автобус Өскемен қаласынан шығып, Новосібір қаласына қарай жол тартқан. Ал Барнауыл қаласынан бері қарай шыққан «Тойота» жеңіл көлік қарсы бағытқа шығып кетіп, алдымен жол жиегіне, кейін Өскеменнің «Фотон» автобусына келіп соғысқан. Ал «Тойотаның» артынан келе жатқан «Рено» көлігі де басқаруға көнбей, соғылған көліктердің үстіне келіп кептеліп қалған.
Екі жеңіл көліктің ішінде отырған 4 жолаушы да оқиға орнында қаза тапты. Ал автобуста 30 жолаушы болған. Олар зардап шекпеген.
Қазіргі уақытта жергілікті полиция қызметі оқиға орнында тексеріс жұмыстарын жүргізуде.
Следующая →
