Өскемен мен ШҚО Семейде тағы бір ет комбинаты салынады
Жаңа кәсіпорында салуға ирандық Agro Portal компаниясы өтініш білдіріп отыр.
Ет комбинаты күніне екі мың ірі қара мен 400 бас ұсақ малдың етін өңдей алады.
- Мұндай қуатқа ие кәсіпорын қаланың ғана емес, аймақтың өндірісіне де үлкен ықпал етеді. Бұл жоба тұрғындардың көп мал өсіріуі мен бордақылауына мүмкіндік береді. Әрі мұндай ірі өндіріс орны қала тұрғындарын жұмыспен қамтымақ, - дейді Семей қаласының әкімі Ермак Салимов.
Дегенмен, кәсіпорын дәл қай уақытта салынатындығы белгісіз. Облыс әкімі Даниал Ахметов Agro Portal ЖШС өкілдерімен екі рет кездесіп, жоба жайында талқылау өткізген.
- Қазіргі уақытта темір жолы сілемдер салу мен электр жарығын, су мен жылуды тарту мәселелері талқылануда, - дейді Семей әкімдігінің баспасөз қызметі.
Ет комбинаты «Өндіріс» инвестициялық аймағында салынбақ.
Қала билігі КСРО кезінде өндірісі жағынан үшінші орынды алған Семейдегі ескі ет комбинатын жөндеуден өткізуге қарағанда, жаңадан салған әлдеқайда тиімді деп отыр.
