Өскемен мен ШҚО Әр жаңа пәтер иесіне автотұрақ тиесілі
ШҚО әкімі Даниал Ахметов автотұрағы жоқ көпқабатты үйлерді тұрғызуға тиым салды
Облыс әкімі Даниал Ахметов жаңа көпқабатты үйлердің алдыңда автотұрақтың болуын өткен жылы тапсырған еді. Алайда оның тапсырмасын құрылысшылар әлі күнге дейін жүзеге асырған жоқ, деп хабарлайды Устинка LIVE.
- Үйлердің алды көліктерге лық толы. Біз үйлерді дұрыс жобаламай салғандықтан мыңдаған адамдар зардап шегуде. Әр үйдің бір жарым гаражы болып, ішкі подъездері кеңейтілу керек, - деді Даниал Ахметов.
Облыс құрылысшылары болса, құрылысқа бөлінген жер аумағының өзі автотұрақ салуға бейімсіз келетіндігін сылтауратса да, аймақ басшысы өз талабын өзгертпеді.
- 2017 жылы бір де бір үй бұл стандартсыз тапсырылмау керек, - деп дөп басты Даниал Кенжетайұлы.