Оқиғалар Пара алған мемлекеттік кіріс комитетінің қызметкері ұсталды
Мемлекеттік кіріс комитетінің қызметкері мен ұлы Қапшағайдағы казино иелерінен пара алғаны үшін ұсталды
Алматы облысы бойынша жемқорлыққа қарсы ұлттық бюро департаменті Қаржы министрлігі мемлекеттік кірістер комитетінің өндірістік емес төлемдер басқармасының бас сарапшысы Жұмабаевты қамауға алды.
Заңсыз жұмыс жасаған және салық комитетінің тексерісінен өтпеген Қапшағай аумағындағы казино басшыларынан Жұмабаев жүйелі түрде пара алып отырған.
Осы орайда, ол өзінің ұлы Ұданов Д. арқылы Қапшағай қаласындағы «Інжу–КZ–казино «ХО» басшысынан 5000 АҚШ доллары көлемінде кезекті парасын алып жатқан жерінен жемқорлыққа қарсы қызмет мемкіріс комитетінің бас сарапшысын ұстаған.
Қазіргі уақытта Жұмабаев пен Ұданов Қылмыстық кодекстің 128-бабына сәйкес Іле аудандық ішкі істер бөлімінің уақытша ұстау изоляторына қамалған.
Аталмыш факт бойынша сотқа дейінгі тергеу амалдары жүріп жатыр.
