Өскемен мен ШҚО Егін жинау үшін дизель отыны жеткілікті
Егіс түгел жиналғанымен алқаптарда әлі күнбағыс қалды. Ал шаруа қожалықтары үшін жеңілдікпен берілетін дизельді отын төңірегіндегі дау әлі басылмай тұр
Өткен аптада Көкпекті ауданындағы кәсіпкер жергілікті билік солярка бөлмегендіктен егін жинай алмай отырғандығын мәлімдеген.
- Оған 22 тонна дизель отыны бөлінген, - дейді ШҚО Ауылшаруашылық басқармасы басшысының орынбасары Амангелді Уәлиев. – Алайда тексеріс жүргізілгенде оның ешқандай да егін екпегені анықталған. 1600 гектар жері бос жатыр. Сондықтан оған дизельді отынды берудің қажеті қанша? Оның үстіне арзан бағаға?
Амангелді Ілиясұлы айтқандай ол жауапсыз кәсіпкер ешқандай жауапқа тартылмайды. Керісінше, келесі жылы өз жер аумағына егін егетін болса, мемлекет тарапынан көмек көрсетіле береді.
Сонымен қатар, Ауылшаруашылық басқармасының басшысы дизельді отын бойынша уайымдайдың реті жоқ.
- Дизель жеткілікті. Министрлік күзгі науқан жұмыстары үшін 25 мың тонна дизель бөлді, - дейді Амангелді Ілияұлы. – Ал астықты кептіруге қосымша 5 мың тонна бөлінді. Бұрын дизельдің 1 литрі үшін жеңілдетілген баға 94 теңге болса, 15 қазаннан бастап акцизі жоғарлатылды. Әзірге жаңа бағасын айта алмаймыз.
Ал әлі жиналмай жатқан күнбағыс үшін уайымдаудың қажеті жоқ. Өйткені күнбағысты жинау мерзімі қазан айының аяғына дейін жүргізіледі.
