Қазақстан Облыс әкімі шығысқазақстандықтарды Құрбан айт мерекесімен құттықтады
Бүгін күллі мұсылман қауымы үшін ұлық мереке - Құрбан айттың бірінші күні.
Шығыс жұрты таңғы 7.00-де облыстық "Халифа Алтай" мешітінде айт намазын оқып, ары қарай құрбандық қамына кірісіп, мешіт алдында мерекені тойлап жатыр.
Барлық мұсылман қауымын Құрбан Айт мерекесімен шын жүректен құттықтаймын! - дейді облыс әкімі Даниал Ахметов. - Құрбан айт – жасампаздық пен жақсылықты паш етіп, мейірімділік пен қайырымдылыққа шақыратын қасиетті мейрам. Бұл күндері адамдар бір-біріне ізгі тілектер айтып, игі істер жасауға шақырады.
Қасиетті мейрамда шалған құрбандықтарыңыз қабыл болсын! Әр шаңыраққа амандық пен құт-береке тілеймін!
