Қазақстан Қазақстанда Ұлттық қауіпсіздік комитеті қайта құрылады
Мекемеде ҰҚК органдарының құрылымын, міндеттері мен функцияларын, оның ішінде шекара қызметі мен арнайы мақсаттағы қызметтерді бағалау және оңтайландыру бойынша арнайы жұмыс тобын құру туралы айтылды
Мемлекет басшысының 11 қаңтарда Парламент Мәжілісінің пленарлық отырысында және 27 қаңтарда Қауіпсіздік Кеңесінің отырысында берген тапсырмаларын орындау мақсатында Ұлттық қауіпсіздік комитеті ведомствоның қызметін қайта форматтау бойынша жұмысты бастады, деп хабарлайды Устинка LIVE тілшісі.
ҰҚК органдарының, оның ішінде Шекара қызметі мен "А" арнайы мақсаттағы қызметінің құрылымын, міндеттері мен функцияларын бағалау және оңтайландыру бойынша арнайы жұмыс тобы құрылды.
Терроризмге, трансұлттық ұйымдасқан қылмысқа және халықаралық есірткі бизнесіне қарсы күрес жөніндегі бөлімшелердің қызметін қайта құру және нығайту, сондай-ақ экономикалық қауіпсіздікті қамтамасыз ету мәселелері бөлек атап өтілді. Жеке құрамның жауынгерлік дайындығын күшейту бойынша шаралар әзірленді, - деп хабарлайды ҚР ҰҚК.
Терроризмге қарсы күрес жөніндегі республикалық жедел штаб күш құрылымдары мен мемлекеттік органдардың АТО режимі жағдайындағы бірлескен іс-қимылдарына талдау жүргізіп, оларды жетілдіру жөніндегі шараларды әзірлейтіні атап өтілді.
Бұл жұмыстың нәтижесі Ұлттық қауіпсіздік органдарының жедел-қызметтік жұмысын ұйымдастырудың құрылымы мен тәсілдерін қайта ұйымдастыру болады.
