Қазақстанда ақпан айы қандай болмақ?

Қазақстанның басым бөлігінде ақпан айында ауа температурасы әдеттегіден 1-2 градусқа жоғары, яғни суық болады деп болжайды синоптиктер. Бұл Иран мен Орталық Азия аймақтарынан жылы ауа массаларының батысқа қарай кетуіне байланысты болады, деп хабарлайды «Қазгидромет».

Таймыр және Шығыс Сібір облыстарынан келетін суық антициклонның әсері еліміздің шығысындағы климаттық өзгеріске алып келеді. Осыған байланысты ақпан айында жауын-шашын мөлшері республиканың орталық және солтүстік бөлігінде ылғалдылық тұрақты күйде болса, Қазақстанның оңтүстігі мен батысында, сондай-ақ оңтүстік-шығыс және шығысындағы таулы аймақтарда жауын-шашын, қарлы бұрқасын нормадан көп болады деп күтілуде.

Бірінші онкүндіктің басында Сібір антициклонының әсерінен Қазақстанның басым бөлігінде негізінен аяз қатты болмақ.

Ал республиканың батысында Батыс және Оңтүстік циклондардың әсерінен жауын-шашын, қарлы боран, желдің 15-20 м/с күшеюі, тұман, көктайғақ құбылыстары орын алады. Одан кейін циклонның солтүстік-шығыс бағытқа қозғалуымен республиканың қалған бөлігінде жауын-шашын болып, желді ауа райы күтіледі.

Республиканың солтүстігінде және орталығында аяз түнде -10-20 градустан -5-13 градусқа дейін, күндіз -5-15 градустан 0-ге дейін жылиды деп күтілуде. Республиканың шығысында онкүндіктің аяғында ауа температурасы түнде -18-23 градустан -12-17-ге дейін, солтүстік-шығыста -28-33-тен -20-ға дейін жылуы мүмкін.

Ақпанның екінші және үшінші онкүндігінде ауыспалы барикалық түзілімдермен тұрақсыз ауа райы күтіледі: жауын-шашын, қарлы бұрқасын қайтадан жауады, қатты жел соғады, республиканың солтүстік-батыс жартысында және батысында қарлы боран болады, оңтүстікте кей күндері шаңды дауыл соғады.

Кейбір күндері Шығыс Сібір облыстарынан суық антициклонның әсерінен ауа температурасының төмендеуі күтіледі: батыста және солтүстік-батыста түнде -12-22 градусқа дейін, күндіз -3-10 градусқа дейін; солтүстік өңірде түнде -20-35, күндіз -13-18; оңтүстікте түнде -8-15, күндіз -5+3 болады деп болжануда.