Әлем 1-ші ақпандағы тарихи оқиғалар
Бұл күні тарихта не болды?
1865 жылы АҚШ-та құлдық жойылды;
1893 жылы Нью-Джерсиде Томас Эдисонның бастамасымен әлемдегі алғашқы "Қара Мария" киностудиясы құрылды;
1926 жылы Қырғыз АКСР-і құрылды;
1958 жылы Египет пен Сирия мемлекеттері Біріккен Араб Әмірліктерін құрды;
1997 жылы «Қазмырыш» АҚ бірыңғай өндірістік-экономикалық кешен ретінде жұмыс істей бастады.
2001 жылы Петропавл қаласында «Асыл мұра» тарихи-мәдени, ғылыми-әдістемелік орталығы құрылды. Орталықтың негізгі міндеті - Солтүстік Қазақстан облысының атақты адамдары туралы мәліметтер мен материалдар жинау. «Асыл мұра» Тоқсан би, Қожаберген жырау, ақын Баймағанбет Ізтөлин туындыларын, көрнекті жазушылар Сәбит Мұқанов пен Ғабит Мүсіреповтің мерейтойларына арналған шағын сувенирлік кітаптар, ақын Мағжан Жұмабаевтың «Жыр жұлдызы» деп аталатын сувенирлік өлең жинағын әзірлеп, жарыққа шығарды.
2005 жылы Израильде Қазақ киносының күндері өтті. Тель-Авив, Хайфа және Иерусалим қалаларында Қазақ киносы күндерінің салтанатты ашылуы өтті. Режиссер Сатыбалды Нарымбетов Семей ядролық полигоны маңында тұрған адамдардың тағдыры туралы баяндайтын «Қызжылаған» фильмін таныстырды. Қазақстандық кинотүсірушілер Израильға түрлі жанрдағы алты фильм апарды.
2010 жылы Венада «Астана» велоқұрамасының ресми таныстырылымы өтті.
2012 жылы Астанада халық жазушысы Сәкен Жүніс тұрған үйге ескерткіш тақта орнатылды.
2014 жылы отандық телеэфирге жаңа «Тұран ТВ» телевизиялық арнасы шықты. Ол белсенді өмір салтын насихаттау мен outdoor-демалысқа арналған алғашқы қазақстандық телеарна болды.
1-ші ақпанда кімдер туды?
1934 жылы Қазақстаннның халық жазушысы Сәкен Жүнісов дүниеге келді; 1940 жылы ақын Жұмаш Сомжүреков өмірге келді;
1948 жылы әнші-сазгер, домбырашы Алтынбек Қоразбаев туды;
1960 жылы еліміздегі ең бірінші экстрокорпоральды ұрықтандыру зертханасының негізін қалаған, биология ғылымдарының докторы Салтанат Байқошқарова дүниеге келді.
