Қазақстан Сіз дәрігердің қабылдауында болмасаңыз да Damumed жүйесінде жалған мәлімет тұрса, не істеу керек?
Айта кету керек, қазіргі уақытта актуалді мәселелердің бірі болып отырған өтпеген қабылдау немесе тексеру жазылған фактілерінің әлі де орын алуы болып табылады
Жалпы, денсаулық сақтау жүйесінің ашықтығы мен байланыс арналарының дамуы пациенттер үшін олар алған медициналық қызметтер бойынша кері байланыс беруге және олардың сапасына ғана емес, сондай-ақ медицина қызметкерлері мен клиниканың қызметіне де баға беруге, ал медициналық сақтандыру қорына уақтылы әрі пәрменді шешімдер қабылдауға мүмкіндік береді.
Егер жоғарыда айтылған мәселемен бетпе-бет келсеңіз - Міндетті әлеуметтік медициналық сақтандыру қорына өтінішіңізді қалдырыңыз. Осы пациенттермен бірлесіп жұмыс жасау арқылы қор пациенттердің медициналық мәліметтеріндегі сәйкессіздіктерді, дәлірек айтқанда, жалған қосып жазу фактілерін анықтайды.
Әрбір жағдай бойынша мұқият тексеру жүргізіледі. Әлеуметтік медициналық сақтандыру қорымен медициналық көмек көрсетуді тіркеу фактілері расталған жағдайда, жасалған шартқа сәйкес медициналық қызмет көрсетушілерге айыппұл санкциялары қабылданады. Өздерінің медициналық жазбаларында қосып жазу фактілері анықталған жағдайда, пациенттер медициналық ақпараттық жүйелердің (МАЖ) мобильді қосымшаларында пікір қалдыра алады, 24/7 Qoldau мобильді қосымшасы, 1406 қысқа нөмірі арқылы немесе әлеуметтік желілерде медициналық сақтандыру қорына жүгінуге мүмкіндігі бар, - деп кеңес береді облыстық Қор филиалының халықты ақпараттандыру бқлімі мамандары.
Айта кетейік, ағымдағы жылдың 10 айында ШҚО ӘМСҚ филиалының сарапшылары 25 786 өтінішті өңдеді. Оның ішінде медициналық ақпараттық жүйелердегі жалған ақпаратқа немесе қосып жазу деректері бойынша келіп түскен.
