Павлодарда дәрігерлер вакцинацияның 200 жалған құжатын жасаған

Павлодар облыстық полиция департаментінің қызметкерлері ҰҚК-нің тәртіп сақшыларымен бірлесіп, Павлодар қаласындағы емханаларының бірінде жұмыс істеген дәрігерлерді ұстады, деп хабарлайды Polisia.kz сайты. Олар вакцина төлқұжаттарын  қолдан жасады деген күдікке ілінді.

- Осы емхананың басшысы, жалпы тәжірибелік дәрігері, сондай-ақ екі мейірбике белгілі бір ақша сомасына вакцинацияланған мәліметтер базасында жалған тіркеуді жүргізді деген күдікке ілінді, - деп хабарлайды ҚР ІІМ.

Полиция дәрігерлердің 200-ден астам жалған вакцина төлқұжаттарын жасағанын анықтады. ҚР Қылмыстық кодексінің 2-бөлігі 385-бабы бойынша сотқа дейінгі тергеу амалдары жүргізілуде.