Қазақстанда телерадио хабар таратуды уақытша тоқтатады

Телерадио хабарларын тарату саласындағы ұлттық оператордың сайтындағы мәлімет бойынша, 2021 жылдың 21 шілдесінде сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады, деп хабарлайды Устинка LIVE тілшісі.

- "Қазтелерадио" АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет, ал тоқсан сайынғы жоспарлы-профилактикалық жұмыстар сервисті ұзақ уақыт өшіруге мүмкіндік береді, сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады", - делінген хабарламада.

Агенттік қолайсыздықтар үшін кешірім сұрайды. Сізді қызықтыратын барлық сұрақтар бойынша байланыс орталығына хабарласуға болады: 193, +7 (727) 2 581 500 немесе abonent@otautv.kz электрондық поштасына жіберу.