Қазақстанда Назарбаевқа ескерткіш ашылды

Мемлекет басшысы Қасым-Жомарт Тоқаев онлайн режимде Ұлттық қорғаныс университетіндегі Елбасыға арналған монументтің ашылу рәсіміне қатысты, деп хабарлайды Ақорда. Президент өз сөзінде Назарбаевтың қазіргі Қазақстанның негізін қалағанын, егемен еліміздің стратегиялық даму жолын айқындап, халқымызды ортақ мақсатқа жұмылдырғанын атап өтті.

- Тұрақтылық пен татулық, береке мен бірлік – Елбасының сарабдал саясатының нәтижесі. Кез келген мемлекеттің тарихында өшпес із қалдырған бірегей тұлғалар бар. Олардың сіңірген еңбегін бағалай білу және жан-жақты дәріптеу – өскелең ұрпақтың парызы, – деді Тоқаев.

Оның айтуынша, Қазақстанның Қарулы күштері тұңғыш президенттің жарлығымен құрылғандықтан, бұл монументтің Ұлттық қорғаныс университетінде орнатылуының символдық мәні зор.