Көкшетауда үш әйел ер адамды соққыға жықты

Оқиға Көкшетау қаласындағы ойын-сауық орындарының бірінің жанында болған, деп хабарлайды ҚазАқпарат Polisia.kz сайтына сілтеме жасап. «102» пультіне төбелес туралы хабарлама таңғы сағат 06.00 шамасында түскен.

- Полиция қызметкерлерінің анықтауы бойынша, жанжалға 43 жастағы ер адам және 38, 41, 42 жастағы үш әйел қатысқан. Олардың барлығы бір дәмханада болған. Ер адам әйелдер отырған үстелге таянған. Кейін олардың арасында кенеттен жанжал басталған. Мекеме әкімшілігі оларды далаға шығарып жіберген. Жанжал кезінде ер адамға дене жарақаты келтірілген. Факті бойынша ҚР Қылмыстық кодексінің 293-бабы 2-бөлігі (Бұзақылық) бойынша сотқа дейінгі тергеу жүргізілуде. Күдіктілерге қатысты "келу туралы міндеттеме" шарасы таңдалды, - делінген мәліметте.