Қазақстан Павлодарда құмар ойымен айналысқан алаяқтар ұсталды
Полиция бірден бірнеше базарда алаяқтықпен айналысқандарды тұтқындады
Күдіктілер алдын ала рөлдерін бөлісіп алып, адамдарды карта ойнауға тартады екен, деп жазады "Қазақпарат" ХАА сайты.
Бірі базар маңында адамдардың жанына келіп, қызықтырған тауарын көрсетеді. Сол кезде осы затты сатып алғысы келетін тағы біреу жақындайды. Кейін барлығы тауарды алуға бір орынға көлікпен барады. Бірі тауарды алып келуге шығып кеткенде, екіншісі арбауға іліккен адамға уақыт өткізу үшін карта ойнауды ұсынады.
Кейін ойынға тағы бір алдын ала дайындалған адам өтіп бара жатып қосылады. Алдымен құрыққа ілінген адамға ұтуға мүмкіндік береді. Кейін бәске тігілетін ақшаны ұлғайтады. Ақыры құрбанның барлық ақшасын таза тақыр сыпырып алады да, тіпті, қарызға батырады.
