Қазақстан Павлодар облысында жолда қалған жолаушылар құтқарылды
Автобустың отындық жүйесінен ақау шығып, жолаушылары бар көлік түн ортасында жолда қалды
Автобус ішінде 18 жолаушы болған. Оларға көмекке құтқарушылар дереу аттанды, деп жазады Sputnik Қазақстан сайты.
Зайсаннан Нұр-Сұлтанға келе жатқан автобус жол ортасында тоқтауға мәжбүр болған. Сөйтіп 18 адам жақын маңдағы жылыту пунктіне жеткізілді.
Павлодар облыстық ТЖД қызметкерлері мен "Шиідерті" жол үбойындағы дәрігерлік-құтқару орнының үш қызметкері автобус ішіндегі жолаушыларды көшірді.
Бірақ автобустың екі жүргізушісі де жылыту пунктіне барудан бас тартып, көлікті жөндеуді жалғастырды.
- Бірнеше сағаттан кейін көлік жөнделіп, жолаушылар ары қарай аттанды, - деп мәлімдеді құтқару мекемесінің баспасөз қызметі.
Қазіргі уақытта Павлодар облысында автобустардың жиі істен шығатындығы байқалады. Оған көбінесе қысқы дизельдік отын орнына жаздық отынды қолдану себеп болып жатады.
