Қазақстан Нұр-Сұлтан тұрғыны қаржы пирамидасын құрды
Қаржы пирамидасынан зардап шеккен астананың 30-дан астам тұрғыны Нұр-Сұлтан полициясына шағым түсірген
Бұл туралы Нұр-Сұлтан Полициясы департаментінің баспасөз қызметі хабарлады.
- Нұр-Сұлтан қаласының Полиция департаменті қаржы пирамидаларын ұйымдастыруға күдікті елорда тұрғынына және оның сыбайластарына қатысты қылмыстық істі тергеуде. Полицияға 30-дан астам зардап шеккен салымшы өтініш білдірді, - делінген хабарламада.
Баспасөз қызметінің мәліметінше, WhatsApp мессенджерінде "Шынайы табыс 1", "Шынайы табыс 2", "Триумф" және басқа да екі және одан да көп ұжымдық чаттарда жүзеге асырылған жоба құрып, әйел адам Астана мен Қазақстанның басқа да өңірлерінің азаматтарынан алдамшы жолмен ақша қаражатын иемденген.
Азаматтардан 20 мыңнан 2 млн теңгеге дейінгі мөлшерде салымдар қабылданған.
- Күдікті азаматтардың сенім мен қаржылық сауаттылығының төмендігін пайдаланып, ақшаны жоғалтуға ешқандай қауіп жоқ деп жәбірленушілерді сендірді. Оның жобасы бойынша, ақша салғаннан кейін қаржы қаражаты 5 күннен 15 күнге дейінгі мерзімде 100% табыспен қайтарылатын болады, - деп хабарлады департаментте.
Әйел адам 32 азаматты 60 млн теңгеден астам сомаға алдаған. Алайда зардап шеккендердің саны бұдан да көп болуы мүмкін.
