Қазақстан Қазақстанның ІІМ марихуананы заңдастыру туралы айтты
Есірткі қылмысымен күрес бойынша департамент басшысы Тілеген Маткенов ведомствоның
Тілеген Маткенов Қазақстанда марихуананы заңдастыру мүмкін еместігін мәлімдеді.
- Қазақстанда марихуананы заңдастыру жағы қаралып жатқан жоқ. Мысалыға айтатын болсақ, Шу алқабында өсетін марихуананың есірткілік қуаты 5 пайызды құрайды. Ал Нидерланд елінде 15-17 пайызды құрайды, олар да кезінде 5 пайыздан бастаған. Кез келген нашақор кезінде аздаған дозадан бастаған. Бүгінде марихуанаға рұқсат берген мемлекеттер басқа проблемаға тап болуда. Ол елдерде героин орнын метадон (синтетикалық есірткі түрі) есірткісі алмастыруда. Дегенмен ескірткі алмастырғыш қолданатын нашақорлар, оған қанағаттанбай героин іздейді. Ешқандай нашақор бірден ірі көлемде және жоғары дозалы ескірткіні қолданбайды, бәрі де азғантайдан басталады. Сондықтан Ішкі істер министрлігі кез келген есірткіні, оның ішінде марихуананы да заңдастыруға үзілді-кесілді қарсы, – деді ҚР Ішкі істер министрлігі Есірткі қылмысына қарсы іс-қимыл департаментінің басшысы Тілеген Мәткенов ІІМ-де өткен баспасөз мәслихатында.
