Қазақстан Қазақстанда мекенжай анықтамаларын беру тоқтатылады
Қазақстанда азаматтарды тіркеу туралы деректі растау тек электронды форматта жүзеге асырылады
Ішкі істер министрлігі мекенжай анықтамасын берудің күшін жою туралы мәлімдеді, деп хабарлайды Zakon.kz сайты.
Ведомствода атап өткендей, бұл қызмет Мемлекеттік қызметтер тізімінде ең сұранысқа ие құжат болып табылады.
- Жыл сайын халық құжат жинағанда, жеңілдіктер мен жәрдемақыларды және басқа да қызметтерді алу үшін мемлекеттік органдар мен ұйымдарда 10 миллионнан астам мекенжай анықтамалары сұралады. Жұмысқа орналасу кезінде, мектептер, балабақшалар, емханалар, банктер және т. б. азаматтар мәжбүрлі түрде ХҚКО жүгінеді. ІІМ өз деректер базасын басқа мемлекеттік органдармен біріктірді, бұл халыққа мемлекеттік қызмет көрсету тетігін жеңілдетті. Атап айтқанда, мекенжай анықтамаларын беру толығымен алынып тасталады, себебі бұл деректер барлық мемлекеттік органдардың базасында бар, - деп хабарлады ІІМ.
Сондай-ақ, азаматтарды тіркеуге байланысты кейбір басқа да мемлекеттік қызметтер жеңілдетілді. Жыл соңына дейін тағы 8 мемлекеттік қызмет түрі электрондық форматқа көшіріледі.