Нұрсұлтан қаласында кітап фестивалі өтеді

Фестиваль 25 тамыз сағат 10:оо-ден 19:00-ге дейін Нұрсұлтан Арбатында өтеді, - деп хабарлайды «ҚазАқпарат» ХАА сайты.

Фестивальді қала әкімдігінің «Астана жастары» коммуналдық мемлекеттік мекемесінің қолдауымен BAURZHAN жеке қоры, ABAYbooks баспа үйі ұйымдастырды.

Фестивальдің мақсаты – оқырман мәдениетін дамыту, жазушылар мен олардың оқырмандарына жағдай жасау, балалар мен жастар арасында кітаптарға деген қызығушылықты арттыру.

Фестиваль бес жыл ішінде қарапайым кітап көрмесінен мәдени-ағартушылық бағыттағы іс-шараға айналды.

- 5 жыл ішінде KITAP FEST алаңында авторлардың және баспалардың қатысуымен 130 - дан астам кітап таныстырылды. 20 000-ға жуық кітап оқырманға беріліп, 70-тен астам кітап дүкендері қатысып, 45 блогер сүйікті кітаптарымен бөлісті, - деп хабарлайды ұйымдастырушылар.

Фестиваль аясында бірнеше іс-шаралар, кітап алмасу, қазақстандық авторлардың жаңа кітаптарының тұсау кесері, шақырылған қонақтармен кездесу, кітап жәрмеңкесі, мұрағаттық фотосуреттер көрмесі және балаларға арналған ойын-сауық бағдарламасын қамтиды.