Апаннан ұрланған бөлтіріктер құтқарылды

Ақтоғай ауданының тұрғыны Қызыл арай мемлекеттік табиғи қорығы аумағында апаннан бес бірдей бөлтірікті ұрлап кеткен

Tengri News хабарлағандай, ұрыға қатысты ҚР ӘҚК 389-бабы 1-бөлігі бойынша әкімшілік хаттама толтырылды. "Қарағанды облысының орман шаруашылығы және жануарлар әлемі аймақтық инспекциясы" РММ инспекторлары бөлтіріктерді тәркіледі. Жағдайлары жақсы көрінеді.

Құқық бұзған азаматты әкімшілік жауапқа тарту үшін іс сотқа жіберілді.