Қазақстан Қазақстанда жоғары оқу орындарына деген талаптар күшеюі мүмкін
Жоғары оқу орындарының білімін күшейту туралы ұсынысты ҚР Парламент Сенаты Мұрат Бақтиярұлы айтып отыр
Оның сөзіне қарағанда, Қазақстандағы жоғары оқу орындарының саны Еуропа мен Оңтүстік-Шығыс Азия елдерінен көп. Алайда білім беру сапасы нашар.
Оның басты себебі – сапасыз коммерциялық жоғары оқу орындарының көбеюі. Мұндай оқу орындары білім беруді емес, ақша табуды ғана ойлайды. Сондықтан кез келген білім алғысы келген азаматты бейберекет қабылай береді.
- Оқушы мектепте 11 жыл бойы нашар оқыған болса, одан қалай мұғалім, инженер немесе дәрігер шығады. Қазір жоғары оқу орындары сапалы білім беруді емес, тек диплом беруді ғана көздейді, - дейді Мұрат Бақтиярұлы.
Жоғары оқу орындарының тағы бір қателігі – аймақтың кадрға деген сұранысын ескермеуі.
- Біз жыл сайын мемлекеттің не ата-ананың қаржысына еңбек нарығына керегі жоқ мамандарды дайындаумен айналысудамыз, - деп атап өтті ол.
