Қазақстанда су тасқынына қарсы күрес жалғасуда

Ақмола облысындағы Ескі Колутон ауылында Колутон өзенінің су деңгейінің көтерілуіне байланысты 20 ауланы су басты, деп хабарлайды облыстық Төтенше жағдайлар департаменті.

- Су деңгейі - 15 см, қазір тұрғын үйлерге кедергілер салынып, қаптарды төсеу жұмыстары жүргізілуде. 170 дана қап қойылды, тағы 120-сы дайын,  - деп хабарлады мекеме.

Жұмысқа 40-тан астам адам және 11 техника жұмылдырылды.

- Ауыл оқшауланып қалды, бірақ азық-түлік пен негізгі қажеттіліктер алдын ала жеткізілді, - деп хабарлады мекеме.