Қазақстан Қазақстанда киберспорт академиясы пайда болады
Алдағы айларда Астанада жастарға арналған алғашқы электронды спорт академиясы ашылады
"Esports Academ" жобасы үшін бағдарлама, ұйымдастыру және жабдықтау жоспары, персоналға және технологияға қойылатын талаптар әзірленді, деп хабарлайды Қазақпарат сайты.
Академияда CS:GO пәні 12-20 жас аралығындағы аудиторияға арналған тренингтер, семинар, мастер-кластар өтеді. Киберспорттың бұл түрі әлемдегі ең танымал, осы түрінен ауқымды халықаралық турнирлер өтеді.
Оқуышлардан басқа, ата-аналар да электрондық спорт түрлерін көре алады.
- Алдын ала бағалау бойынша, Қазақстанда шамамен 1,5 миллион қолданушы, жанкүйерлер және кибер индустрия саласының тұтынушылары бар. Мыңдаған жастар eSports-ке мүдделі, бірақ кәсіби деңгейде ондаған адам бар. Әлемнің дамыған елдерінде Киберспорт ресми спорт деп танылды және Олимпиада ойындарында бейресми пәндер тізіміне енгізілді, - дейді жоба әзірлеушілер.
Бүгінгі таңда Қазақстандағы Qazaq Cyberport Federation федерациясы халықаралық спорт қозғалысы шеңберінде киберспортты дамыту және дәріптеу жұмыстарымен айналысуда және академия құру - бұл бағыттағы келесі қадам.